ماعندك احساس ولاشعـــــــور
حرام تجرحي من هو بالهوى مصافيك
خبر التواضع فيك ولا انت مغرور
ليه التغلي عسى الله يعافيك
هذه جزات الي حبك وخالف الشور
وازعل جميع الخلق عشان يرضيك
وش حيلت الي مولع بهواك مسحور
يانسي الاجفان ارحم مهتويك
مادام القلب داخل سجونكم مأسور
لجل حبكم مشى درب المهاليك
ما ينفع الصد ولاتقول معذور
خلي زهرة الحب تنبت بأراضيك
**********************
رد على القصيدة بكلمات \ روان ابـــوزيــــد
حرام تحكم علي بالتغلي والغرور
الله حسيبك كيف هذا يرضــيــك
ترى انا بالمحبة ماني بمجبور
دور على الي يحبك ويهتويك
ياصاحبي تراك انت معذور
مبتلي بالحب والله يهديك
واذا قلبكم في حبي مأسور
هذا قدر مكـــتـــوب عليـــك
لاتظن اني خالي من الشعـــور
وانت تدور على الي يحبك ما يسليك
اتركها للأيام ترى الزمن يــــــــدور
الله يـــكـــون بعونك والله يعافيك
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.